星期日 星期一 星期二 星期三 星期四 星期五 星期六
             
  18:00-19:30
無奇不有
 18:00-19:00
超論鬼才
18:00-19:00
天啓之幻
18:00-19:00
文明之謎(普原篇)
18:00-19:00
教你成為自己的命運工程師
 
             
19:00-20:00
香港把妹達人
20:00-21:30
音樂次文化
19:00-20:00
數碼生活頻道
  19:00-20:00
好生意
 
             
 20:00-21:00
超論鬼才
 
20:00-21:30
無奇不有
20:00-21:30
音樂次文化
21:30-23:00
The Collectors **
 
             
 

無奇不有2015年03月16日

mystery20150316

日期:2015年03月16日
主持 :  Gary
嘉賓:盧子英
主題:香港公仔書歷史

下載:第一節 第二節    第三節 

今集無奇不有請到盧子英(盧 Sir)講香港公仔書歷史, 各位萬勿錯過!

原來喺清末期間嗰陣香港已經有漫畫,因為當時嘅朝廷腐敗不堪,於是激起廣東南海人何劍士,用漫畫嚟表達對腐敗朝廷嘅不滿。佢嘅漫畫分別喺上海同香港多份報章刊物度發表。另一位香港漫畫先驅,係廣州畫家鄭磊泉,當時佢應香港梁國英藥局嘅邀請,嚟香港編繪《人鑒》畫冊。但當呢兩位漫畫家死左之後,香港漫畫界就沉寂咗一段長時間。直到1934年《工商日報》嘅《漫畫週刊》出現,香港漫畫又再蓬勃起嚟。1940年代初,有好多內地漫畫家因為抗日戰爭爆發,局勢動盪,所以嚟香港避難。好似廣州嘅李凡夫、林檎、潘醉生,上海嘅葉淺予、張正宇、丁聰……等等,都係當時首屈一指嘅大師。佢地嚟咗香港之後,喺呢度定居,又成立咗個「全國漫畫作家協會香港分會」。不過戰後至1950年代中期,好多漫畫家都返返中國,結果香港漫畫又再次沉寂返。

早期嘅香港漫畫,多數都係啲單格或者近似插圖咁樣,內容多數都係取材自現實生活,或者係諷刺時事,同今日嘅公仔書真係有好大分別。而家嘅香港漫畫變革係喺1967年之後,受到外國漫畫好大影響,因為喺呢個時候香港無線電視大量推出日本動畫片,好似《小飛俠》、《青春火花》、《超人》咁,令當時一直深受中國漫畫熏陶嘅年青漫畫家受到唔少衝擊同影響。黃玉郎、上官小寶、上官小強等人陸續跟風,畫咗好多新型嘅公仔書創作,慢慢佢地發展出自己嘅風格,出版上開始有咗自己嘅模式,結果帶動同影響咗成個香港漫畫界同漫畫出版業。喺1960年代尾,老派漫畫好似許冠文嘅《財叔》、《神筆》、《神犬》,王澤嘅《老夫子》,宋三郎嘅《傻偵探》同司徒庸嘅《傻大姐》咁,雖然重有一定嘅市場,但到咗70年代,就再鬥唔過充滿電影感同分鏡頭式嘅武打技藝及社會寫實嘅公仔書咯。